INFOMAX.MK

Основното јавно обвинителство за гонење на организиран криминал и корупција денеска соопшти дека седум полициски службеници од СВР Штип и ПСОН Кочани се осомничени и за нив се бара притвор поради тоа што како службени лица како соизвршители, осомничените изготвувајќи, потпишувајќи и одобрувајќи позитивна согласност, му овозможиле на правно лице да се стекне со лиценца за вршење угостителска дејност – кабаре иако објектот не ги исполнувал законските услови за работа.

Се работи за дискотеката Пулс во Кочани во која се случи трагедијата на 16.03. 2025 година.

Уредникот на Инфомакс, Александар Митовски, на прес-конференција на самиот ден на трагедијата постави прашање до министерот за внатрешни работи, Панче Тошковски во врска со работата на полицијата и зошто е дозволено истата нелегално да работи, зошто никој од МВР не интервенирал, на што Тошковски одговори дека прашањето е манипулација.

По објавата на ОЈО ГОКК, во објава на Фејсбук реагира Митовски кој напиша:

– Па нели јас манипулирав кога прашував каде е одговорноста на полицијата?

Панче Тошкоски, и ти знаеш како што и јас знам дека согласно законски определениот принцип на хиерархија и субординација одговорноста за кривично дело со несторување паѓа и врз Директорот на БЈБ Александар Јанев и врз Министерот за внатрешни работи. – напиша Митовски.