INFOMAX.MK

Во интервју објавено од иранските државни медиуми, иранскиот претседател Масуд Пезешкијан тврди дека верува оти западните сили сакаат да го доведат Иран „на колена“, објави „Тајмс оф Израел“.

Според мене, ние сме во тотална војна со САД, Израел и Европа. Тие не сакаат нашата земја да застане на нозе. Оваа војна е полоша од војната на Ирак против нас, рече тој.

Пезешкијан, исто така, тврди дека сегашниот конфликт е посложен од војната меѓу Иран и Ирак од 80-тите, велејќи дека неговата земја сега е под притисок од сите страни.

За време на војната со Ирак, ситуацијата беше јасна, тие испукаа ракети и знаевме каде да удриме. Сега тие нè опсадуваат од сите страни, создавајќи ни проблеми во однос на егзистенцијата, културно, политички и безбедносно“, додаде тој.

И покрај тензиите, Пезешкијан вели дека иранската војска зајакнала по јунскиот конфликт со Израел.

Интервјуто со иранскиот претседател е објавено пред утрешниот состанок помеѓу израелскиот премиер Бенјамин Нетанјаху и претседателот Доналд Трамп.

Примирјето меѓу Иран и Израел, постигнато со посредство на САД, стапи на сила на 24 јуни.