Пентагон: Војската на САД изврши напад во самоодбрана во источна Сирија

Американската војска денеска изврши напад во самоодбрана во источна Сирија, соопшти Пентагон, наведувајќи дека тој не е поврзан со тековното напредување на бунтовниците во таа земја.

Портпаролот на Пентагон, генерал-мајор Пет Рајдер изјави дека американската војска извршила напад за самоодбрана со ракетни фрлачи и тенк Т-64, откако проектили биле истрелани врз американските војници на позицијата Еуфрат, пренесе Ројтерс.

Рајдер истакна дека оваа акција за самоодбрана успешно ги елиминирала непосредните закани за американските војници и дека војската во моментов истражува кој ги нападнал американските сили. Тој рече дека силите поддржани од Иран претходно извршиле напади од областа.

Рајдер изјави дека во областа се присутни и сириски воени сили. Во Сирија има околу 900 американски војници кои се фокусирани на борбата против милитантите на Исламската држава (ИД) во регионот, пренесува Танјуг.

Share on Facebook

Tweet

Follow us

Save