Песков: Москва се надева на пореален став за конфликтот по посетат во Киев

Москва се надева дека посетите на германскиот канцелар Олаф Шолц, францускиот претседател Емануел Макрон, италијанскиот премиер Марио Драги и романскиот претседател Клаус Јоханис на Киев ќе и помогнат на Украина да заземе пореален став за конфликтот со Русија, изјави портпаролот на Кремљ, Дмитриј Песков.

Во изјава за медиумите тој нагласи дека Русија е скептична за изгледите за враќање на Украина на преговарачка маса.

Според него, Москва се надева дека четворицата лидери нема да се фокусираат само на поддршка на Украина со акумулирање оружје, бидејќи таквата политика ќе биде „апсолутно бескорисна“ и само ќе го продолжи страдањето на народот и ќе предизвика дополнителна штета на украинскиот народ.

Песков истакна дека Москва, наместо тоа, се надева дека четворицата европски лидери ќе ги искористат тие контакти за да го убедат украинскиот претседател Володимир Зеленски да заземе „пореална позиција за ситуацијата“.

Портпаролот на Кремљ рече дека Москва се надева дека посетата ќе помогне да се разјасни ставот на Украина за извозот на жито и повтори дека Русија е подготвена да го овозможи тоа доколку украинските сили ги деминираат областите долж брегот.

– Не знаеме точно дали Украина го сака тоа, бидејќи тие молчат по тоа прашање – нагласи Песков и додаде дека се очекувало тоа да биде тема и на посетата на Киев, пренесуваат медиумите.

Share on Facebook

Tweet

Follow us

Save