Песков објасни: Еве зошто Путин нема потреба од никакви социјални мрежи

Портпаролот на Кремљ, Дмитриј Песков, изјави дека на рускиот лидер Владимир Путин не му се потребни социјалните мрежи, вклучително и канал на Телеграм, бидејќи и онака сите внимателно го следат секој негов збор.

„За разлика од мене и тебе, тој е човек чиј секој чекор го следи целиот свет. Дури и да стои во ходникот и да зборува со шепот, сите слушаат внимателно. Зошто би му требало еден канал на Телеграм!“, рече Песков во разговор со учесниците на едукативната програма за експерти од областа на медиумите и маркетингот „Работилница за нови медиуми“.

Портпаролот на Кремљ претходно изјави дека рускиот претседател не сака некој да управува со сметките на социјалните мрежи наместо него, а тој нема време сам да го направи тоа, пренесува Спутник.

Share on Facebook

Tweet

Follow us

Save