Познат идентитетот на загинатиот од вчерашната сообраќајка на патот Штип-Кочани

Триесет и седум годишниот С.Т. од Пробиштип е лицето кое вчера го загуби животот во сообраќајната несреќа која се случи на патот Штип-Кочани, потврдуваат од МВР.

Од полицијата информираат дека сообраќајката во која учествувале автобус и автомобил била пријавена во 19.40 часот.

-Било пријавено дека на клучка Штип од магистрален пат „Три Чешми–Кочани“ се случила сообраќајна несреќа помеѓу патничко моторно возило „опел астра“ со пробиштипски регистарски ознаки, управувано од М.М.(37) од Пробиштип и автобус со штипски регистарски ознаки, управуван од Д.Ќ.(42) од Пехчево.

Во несреќата, од здобиените повреди починал сопатникот во патничкото возило, С.Т.(37) од Пробиштип, а смрт била констатирана од лекар од Итна медицинска помош, информира МВР.

Во несреќа, со повреди се здобил возачот и бил пренесен во Клиничка болница во Штип за укажување на лекарска помош.

Извршен бил увид од Јавен обвинител и увидна екипа од СВР Штип.

Share on Facebook

Tweet

Follow us

Save