„Покажа професионалност и посветеност“: ВЛЕН му се заблагодарија на Фетаи за досегашниот ангажман во владата

По повод оставката на Арбен Фетаи од функцијата заменик-претседател на Владата задолжен за добро владеење, од ВЛЕН, како што велат, изразуваат благодарност за неговиот досегашен ангажман, коректност и придонес.

„Во извршувањето на оваа одговорна функција, Фетаи покажа сериозност, професионалност и посветеност кон принципите на добро владеење, отчетност и институционална одговорност. Ја почитуваме неговата одлука и истовремено му се заблагодаруваме за соработката и придонесот што го даде во овој период. На г. Фетаи му посакуваме добро здравје, успех и сѐ најдобро во иднина“, велат од партијата по оставката на вицепремиерот за добро владеење Арбен Фетаи.

Тој денеска, по речиси три месеци непојавување на работното место, на социјалните мрежи објави дека поднел оставка од функцијата и истата ја доставил до премиерот Христијан Мицкоски.

Share on Facebook

Tweet

Follow us

Save