Политико: ЕУ размислува да ја лиши Унгарија од правото на глас

Виктор Орбан е единствениот лидер кој се изјасни против распределбата на 20 милијарди евра воена помош за Украина, како и против нејзиното идно членство во Унијата.

Европратениците од Volt ги повикуваат лидерите на ЕУ да и го одземат правото на глас на Унгарија, пишува Politico.
Тие подготвија патоказ од 9 точки со кој се бара на Будимпешта да ѝ се одземе правото на глас и предлагаат назначување на високата претставничка за надворешна и безбедносна политика на ЕУ, Каја Калас, за полноправна министерка за надворешни работи на ЕУ.

Дополнително, Европскиот парламент ќе предложи создавање на заедничка европска армија и можност за ревидирање на договорите на ЕУ, вклучувајќи ги надлежностите во областа на одбраната и подготовките за проширување на унијата.

Изданието потсетува дека Унгарија е земјата која го блокираше доделувањето на 20 милијарди евра воена помош од ЕУ за Украина. Исто така, се забележува дека земјата најверојатно е посветена на зајакнување на одбраната на ЕУ, но силно се противи на пакетот помош за Украина.

Во исто време, унгарскиот премиер Виктор Орбан изјави дека пристапот на Украина во Европската унија е незамислив овде и сега. Според него, пристапувањето на Украина во ЕУ ќе ја уништи целата унгарска национална економија.

Share on Facebook

Tweet

Follow us

Save