Поранешната министерка на Вучиќ најавува дека ќе му биде конкуренција на следните избори

Поранешната министерка и потпретседател на Српската напредна партија (СНС), Зорана Михајловиќ, во емисијата “Иза вести” на Н1 изјави дека организацијата што ја основала ќе учествува на вонредните парламентарни избори, доколку тие се одржат на пролет.

Зборувајќи за политичката организација чие формирање претходно го најави, Михајловиќ рече дека се уште не е одлучено дали ќе биде политичка партија или движење, но дека ќе биде промовирана најдоцна до крајот на годинава.

Запрашана за можно учество на изборите, таа рече дека доколку се одржат вонредни парламентарни избори напролет, ќе учествува на нив.

„Ако се на есен, рано е. Нема потреба да летате никаде. Мора добро да се организирате, потребно е време. Тоа не може да го направиш за неколку месеци“, објасни Михајловиќ.

Михајловиќ, која неодамна побара да биде избришана од членството на СНС по 13 години, изјави дека основа организација која ќе биде лево од центарот и која ќе може да влијае на креирањето на политиката во Србија.

Таа ги истакна двете најважни работи на кои ќе биде нејзиниот фокус – патот на Србија кон Европската унија и справувањето со прашања од интерес за граѓаните.

„Мое мислење е дека Србија мора да се движи кон Европа. Србија има место во Европа и на Запад и тоа е првото нешто што е многу важно. Друго што е многу важно е фокусот на она што ги интересира граѓаните. Имате работи што им се важни на граѓаните, но политичарите не ги интересираат“, рече Михајловиќ и прецизираше дека тоа се образованието, социјалната политика, зелената транзиција, новите технологии.

Share on Facebook

Tweet

Follow us

Save