Полска купува повеќе од 200 ракети од САД!
Полските власти денеска објавија дека потпишале договор со САД за купување на повеќе од 200 антирадарски ракети во вредност од 745 милиони долари.
„Договорот опфаќа испорака на повеќе од 200 ракети AGM-88G AARGM-ER (Advanced Anti-Radiation Guided Missiles – Extended Range) со дострел поголем од 200 километри“, се вели во соопштението на полското Министерство за одбрана.
Испораките ќе се вршат помеѓу 2029 и 2035 година, се додава во соопштението.
Способни да уништуваат радари надвор од дострелот на противвоздушните системи, проектилите ќе можат да се лансираат главно од борбените авиони Ф-35 кои веќе се на располагање на полското воено воздухопловство, како и од авионите Ф-16.
Оваа година, Полска ќе одвои околу 4,7 отсто од својот бруто домашен производ (БДП) за одбрана.
ПОВРЗАНИ ВЕСТИ
Полска стана шеста економска сила во ЕУ,…
Полската економија станува се позначајна во Европската…
САД се подготвени да го зголемат економскиот…
Претседателот на Соединетите Американски Држави, Доналд Трамп,…
„Не ѝ служам ниту на Америка, ниту…
Претседателот на Србија, Александар Вучиќ, порача дека…
САД ќе му дадат 1 милијарда долари…
САД планираат да ѝ доделат на Колумбија…
Трамп го забрани „породилниот туризам“ во САД…
Американскиот претседател Доналд Трамп потпиша нови извршни…