Последен ден од референдумите во Украина: На раб ли сме на нова војна?

На териториите на самопрогласените републики Луганск и Доњецк и во регионите Херсон и Запорожје во Украина, кои се под контрола на руската армија, во тек е последниот ден од референдумот за присоединување кон Русија.

Претставниците на изборните комисии на сите овие украински региони веќе ги прогласија референдумите за валидни, бидејќи излезноста уште во текот на вчерашниот ден во сите региони надминала 50 отсто од регистрираните гласачи, пренесува ТАСС.

Рускиот претседател Владимир Путин изјави дека ќе ги прифати резултатите од референдумите какви и да се, но според локалните власти над 90% од избирачите гласале за присоединување со Русија.

Путин додаде дека доколку некој го загрози територијалниот интегритет на Русија ќе се одговори со сите расположливи средства, дури и нуклеарно оружје.

Share on Facebook

Tweet

Follow us

Save