После локалните избори: Австрискиот амбасадор најавува компромис за уставните измени до крајот на годинава!?

Постои оптимизам дека компромис за уставните измени може да биде постигнат до крајот на годинава – изјави австрискиот амбасадор во Македонија, Мартин Памер. Според него фокусот премногу се става на тоа прашање отколку на сроведувањето на техничките работи кои ја носат Македонија поблиску до Европската Унија.

„Владата на Северна Македонија во моментов работи на патоказите и акциските планови, мислам дека патоказот за малцинствата е предаден до Европската комисија овој месец. Има одреден оптимизам таму, компромисот од 2022 да биде постигнат до крајот на оваа година. Ќе видиме. Но како што реков не треба толку да се фокусираме на тоа, има доволно други работи кои треба да бидат завршени, за граѓаните, за земјата“, вели Памер.

Памер рече дека технички долго време сме на патот кон ЕУ. Следниот чекор е формално да се отвори втората меѓувладина конференција, но скринингот тече, работата на кластерите се одвива.

Share on Facebook

Tweet

Follow us

Save