Потврдени 56 случаи со голема кашлица

По денешниот редовен состанок на Комисијата за заразни болести, претседателот Александар Петличковски кажа дека состојбата со големата кашлица е под контрола, но не е стабилна, бидејќи се уште има пораст на потврдени случаи.

„До денеска се потврдени вкупно 56 случаи. Од нив 14 се деца под една година, а девет дополнително се на возраст од 1-4 години. Од вкупниот број 16 се невакцинирани, 12 се некомплетно вакцинирани. Сега се појавуваат адолесценти, деца на возраст од 10 до 14 години и повозрасни и веројатно во текот на следните недели ќе има промена на демографската структура на позитивните случаи, очекуваме кај повозрасните да се потврдува почесто оваа болест“, рече Петличковски.

Од 56 потврдени случаи, 46 се од Скопје, а има и во Тетово, Куманово и Гостивар.

Share on Facebook

Tweet

Follow us

Save