ПОТВРДЕНО ОБВИНЕНИЕТО ЗА МАСКАРОТ КАЈ МЛАДЕНОВАЦ: Монструмот Блажиќ ќе одговара за четири кривични дела

Апелациониот суд во Белград го потврди обвинението против Урош Блажиќ, кој е осомничен за убиство на девет лица во селата Дубона и Мало Орашје, како и против неговиот татко Радиш Блажиќ.

Урош Блажиќ e обвинет за тешко убиство во врска со кривични дела, недозволено изработување, држење, носење и тргување со оружје и експлозивни материи, киднапирање и неовластено користење на туѓо возило.

Второстепениот суд ја потврди одлуката за потврдување на обвинителниот акт, објавено е на веб-страницата на судот.

Наскоро може да се очекува дека Вишиот суд во Смедерево ќе го закаже почетокот на судењето на Урош и неговиот татко Радиша Блажиќ, додека, според одлуката на судот, на чичкото и вујкото на Урош ќе им суди Вишиот суд во Крагуевац.

Апелациониот суд смета дека првостепениот суд правилно одлучил дека досега собраните докази во оваа кривична постапка даваат доволен основ за заклучокот дека постои оправдано сомневање дека Блажиќ ги сторил кривичните дела кои му се ставаат на товар во обвинението.

Тој го потврди и ставот на првостепениот суд да се изјасни дека е ненедлежен за постапување во однос на Горан и Борис Гавриловиќ, односно дека треба да им суди Вишиот суд во Крагуевац, бидејќи делата за кои се обвинети се извршени на територија на неговата јурисдикција.

Во фазата на истрага против сите четворица обвинети беше спроведена единствена постапка поради тоа што Урош Блажиќ по извршувањето на сомнителните кривични дела беше пронајден од полицијата во помошниот објект на неговиот вујко Горан Гавриловиќ, додека Борис Гавриловиќ му е братучед и дека постои основано сомнение дека се работи за лица кои му помогнале на сторителот по извршувањето на кривичното дело.

Ноќта меѓу 4 и 5 мај минатата година Урош Блажиќ уби осум и рани 14 лица во селата Мало Орашје и Дубона, кај Младеновац. Деветтата жртва на Блажиќ им подлегна на раните по 50 дена борба за живот во болница. Блажиќ е уапсен по целоноќна потрага, во селото Вињиште кај Крагуевац.

Share on Facebook

Tweet

Follow us

Save