Потрагата по исчезнатиот човек од Крушево продолжува во насока на шумските појаси

Потрагата по исчезнатиот човек од Крушево продолжува и денеска кон шумските појаси, известуваат од Центарот за управување со кризи.

– Денеска, од 09:00 часот, продолжи потрагата по исчезнатото лице, кон шумските појаси во Крушевско. Регионалниот ЦУК Крушево е во координација со сите екипи од институциите и редовно добива информации.

Инаку, потрагата по исчезнатото лице од Крушево трае во континуитет од самото пријавување во МВР во четвртокот, на 22.12.2022 година, но исчезнатото лице се уште не е пронајдено. Во текот на денешниот ден во потрагата учествуваат 22 полициски службеници од ОВР Крушево, 14 војници од АРМ со 1 куче – трагач, 1 пожарникар од ТППЕ Крушево, Регионалниот РЦУК Крушево со 4 лица вработени, ПО ДЗС со 3 вработени, екипа од Шумска полиција 2 со 1 возило и околу 20-тина граѓани доброволци. Повторно се пребаруваат сите околни места, шумските појаси, низинските места и селските населени места (колиби, напуштени куќи, штали) – информираат од ЦУК.

Share on Facebook

Tweet

Follow us

Save