Потрошувачката на струја „скокна“ за 474 отсто во Арачиново- градоначалникот „не знаел“ дали таму се копаат биткоини
Дали се „копаат“ биткоини во Арачиново? Во емисијата „10 минути“ на ТВ 21 градоначалникот на Арачиново Ридван Ибраими одговори дека тој „лично нема информации и оти за ова треба да се прашаат институциите надлежни за спроведување на законот“ – објави ТВ 21.
ТВ 21 го пренесе одговорот на Ибраими на тоа прашање: „Оваа информација кружи, но јас немам механизам да ги проверувам граѓаните дали дома ‘копаат’ биткоини. Овие информации треба да ги имаат органите на прогонот. Јас лично немам информации дали се ‘копаат“ биткоини во Арачиново“ – изјави градоначалникот Ибрахими.
Инаку Арачиново имало неверојатно зголемување на потрошувачката на струја за дури 474 отсто споредено со октомври 2021 година, во ситуација кога од 81 општина во Македонија 65 општини во октомври постигнале заштеда од најмалку 15 отсто, од кои 12 општини постигнале заштеда поголема од 50 отсто.“
Според проценките, кои ги изнесоа во првата половина од оваа година научниците од Универзитетот Кембриџ во Англија, за „рударењето само на еден биткоин се потребни 300 киловатчасови електрична енергија“. Без никакво сомневање, во изминатите месеци од 2022 година омасовеното „копање“ на биткоинот во Македонија во огромна мера го оптовари електроенергетскиот систем, попречувајќи го нормалното снабдување на економијата и домаќинствата со овој најважен енергенс.
ПОВРЗАНИ ВЕСТИ
Речиси пет години биле хакирани државните мрежи…
Меѓународни хакерски групи речиси пет години имале…
ДЗС: Во Прилеп безбедно отстранета 75-милиметарска артилериска…
Тимот пиротехничари на ДЗС во градот Прилеп…
Осум месеци затвор за човекот кој ги…
Осум месеци затвор и укинување на притворот…
Се размислува за електронска наплата за патарините,…
Се размислува за воведување електронска наплата на…
Европската комисија предлага дополнителен заем од 45…
Европската комисија предложи одобрување дополнителен заем од…