Почна сослушувањето на уапсените за трагедијата во Нови Сад

Дел од уапсените за трагедијата што се случи на 1 ноември на Железничката станица, кога поради уривање на настрешницата животот го загубија 15 лица, се донесени на распит во Обвинителството во Нови Сад.
Дванаесетте приведени се во полициската станица на улица Радничка во Нови Сад. Дел од нив се донесени на распит во Обвинителството, јавува РТС.

Не се знае дали сите ќе бидат сослушани денеска, по што судот ќе одлучува за евентуалниот притвор.
Обвинителството во четвртокот попладне соопшти дека во врска со трагедијата се уапсени 12 лица, а министерот за внатрешни работи Ивица Дачиќ потврди дека се уапсени 12 лица, а уште едно лице е во странство.
Во трагедијата што се случи на 1 ноември, кога се урна настрешницата на Железничката станица во Нови Сад, загинаа 15 лица, а двајца се уште се во критична состојба.

Share on Facebook

Tweet

Follow us

Save