По серијата украински напади врз Русија, Путин го смени шефот на руските воздухопловни сили

Владимир Путин го сменил шефот на руските воздухопловни сили, во чија надлежност е и противвоздушната одбрана, по серија уништувачки украински напади со дронови врз Русија. Генералот Виктор Афзалов, кој ја презеде должноста во 2023, ќе биде заменет од генерал-полковникот Александар Чалко, објави рускиот сервис на Би-Би-Си, кој се повика на добро упатени извори.

Чалко е искусен заповедник кој ги предводеше руските сили во Сирија од 2019 до 2021. Европската Унија му воведе санкции во март оваа година откако го обвини дека бил заповедник за време на руската окупација на Буча, предградието на Киев каде што руските сили извршиле масакр на цивили.

Украина ги засили нападите врз руската нафтена инфраструктура во последните два месецa, во обид да го лиши Кремљ од неочекувани енергетски придобивки поради континуираното затворање на Ормускиот Теснец. Една од најчестите мети беше црноморското пристаниште Туапсе, кое беше жестоко нападнато четирипати за неколку недели.

Share on Facebook

Tweet

Follow us

Save