По тридневен штрајк во ЈП за ПУП Прилеп, вработените добија исплата на нивните плати

ПО ТРИДНЕВНИОТ ШТРАЈК НА ВРАБОТЕНИТЕ ВО ЈП за ПУП ПРИЛЕП РЕДОВНА ИСПЛАТА НА НИВНИТЕ ПЛАТИ, пишуваат од Сојузот на синдикати на Македонија(ССМ).

Поради нередовната исплата на платите вработените во ЈП за ПУП Прилеп во периодот од 25.08.2025 година до 27.08.2025 година стапија во штрајк.

Причината за нередовната исплата на плати во претпријатието кое помеѓу другите дејности врши и превоз на ученици е милионските долгови кои ги имаат средните училишта од Прилеп кон претпријатието за извршени услуги за превоз на ученици.

Штрајкот е прекинат денес 28.08.2025 година по постигнатиот договор помеѓу единствениот репрезентативен синдикат за комунални дејности СУТКОЗ и директорот на претпријатието со кој согласно претходно потпишаната спогодба додатоците на плата стануваат составен дел на бруто платата на вработените и исплатата на платите да биде во законски предвидениот рок., стои во соопштението на ССМ

Претходно од СДСМ – Прилеп реагираа дека заради неодговорнота на моменталниот градоначалник, жителите на градот останале без јавен градски превоз.

Share on Facebook

Tweet

Follow us

Save