Предупредување од рускиот генералштаб: САД планира да распредели ракети во Пацификот

САД планираат да распоредат ракети со среден и краток дострел за да ги ограничат Русија и Кина во азиско-пацифичкиот регион до 2028 година, изјави заменик-началникот на Главниот оперативен директорат на Генералштабот на Русија, Станислав Гаџимагомедов.

„Со цел да ги поддржи своите планови, Белата куќа планира да распореди ракети со среден и краток дострел во азиско-пацифичкиот регион до 2028 година“, рече Гаџимагомедов на тркалезната маса во Советот на Федерацијата.

Според него, САД издвоиле повеќе од седум милијарди долари за регионалната програма за ограничување на Русија и Кина за 2022 година.
„Покрај тоа, претензиите на Јапонија за руските Курилски острови остануваат и не може да се исклучи можноста за конфликт на Корејскиот полуостров, меѓу другото и со употреба на нуклеарно оружје“, рече Гаџимагомедов.

Потсетуваме дека на 17 декември 2021 година, Министерството за надворешни работи на Русија објави нацрт-договори со САД за безбедносни гаранции, како и договори за мерки за обезбедување на безбедноста на Русија и земјите-членки на Северноатлантската алијанса. . Документот, меѓу другото, вклучува одредби за нераспоредување на ракети со среден и краток дострел во меѓусебен дострел, откажување од натамошното проширување на НАТО на сметка на поранешните советски републики и намалување на бројот на воени вежби.

Share on Facebook

Tweet

Follow us

Save