Преку 30 луѓе кои земале плата, а не доаѓале на работа во Комунална Хигиена повеќе нема да цицаат од парите на скопјани

Новата директорка на ЈП „Комунална Хигиена“ – Скопје, Косана Мазнева, денес не им ги продолжи договорите на речиси 40 луѓе кои биле вработени преку авторски агенции во претпријатието, а со години не доаѓале на работа, но земале плата.

– На 33 лица кои биле вработени, преку АПВ, во ЈП Комунална хигиена-Скопје, кои месеци и години земале плата а не оделе на работа, денес им завршија договорите и истите не се продолжени, стои во соопштението од ЈП „Комунална Хигиена“.

Оттаму додават дека е крајно време да се стави крај на расипничкото трошење на парите на граѓаните на градот Скопје, и дека нема да дозволи луѓе кои седат дома да добиваат плата од парите на буџетот на градот.

-Во ЈП Комунална хигиена-Скопје мора да се стави крај на расипничкото трошење на парите на граѓаните и посветено да се работи на подобрување на услугите и исполнување на нашите обврски кон граѓаните, велат во соопштение од „Комуналец“.

Истовремено, од претпријатието известуваат дека против една вработена во секторот за односи со јавност е покрената дисциплинска постапка поради недолично однесување со медиумски работник, и потсетуваат дека ЈП „Комунална Хигиена“ мора да биде транспарентно и отчетно претпријатие.

-Истовремено кон вработената во ЈП Комунална хигиена-Скопје која денес предизвика инцидент веќе е отпочната дисциплинска постапка. Работниот процес мора да се одвива професионално и со почит кон секој. Претпријатието е отворено и транспарентно за сите граѓани и медиуми и во иднина нема да се дозволи недолично или несоодветно однесување во Претпријатието, а сe во насока на имплементација на реформи за подобри работни процеси во интерес на граѓаните, стои во соопштението на ЈП „Комунална хигиена“ Скопје.

Share on Facebook

Tweet

Follow us

Save