Претседателот и министерот за надворешни работи на Иран пронајдени мртви по хеликоптерската несреќа!

Иранскиот претседател Ебрахим Раиси, иранскиот министер за надворешни работи Хосеин Амир Абдолахиан и сите други членови на делегацијата кои се враќаа по посетата на Азербејџан загинаа во хеликоптерска несреќа, пренесува агенцијата Мехр.

„Претседателот на Иран и неговата придружба загинаа во хеликоптерска несреќа… Ебрахим Раиси, претседателот на нашата земја, загина во хеликоптерска несреќа во планински регион во северозападен Иран, меѓу загинатите е и министерот за надворешни работи Хосеин Амир Абдолахиан“ се вели во известувањето од агенцијата.

Во хеликоптерот, покрај претседателот и министерот за надворешни работи, имамот на Табриз Мохамад Али ал-Хашем, шефот на провинцијата Источен Азербејџан Малек Рахмати, екипажот на хеликоптерот и еден чувар.

Информацијата за смртта на Раиси и на целата делегација ја потврди иранскиот потпретседател Мохсен Мансури.
Претходно, Прес ТВ, повикувајќи се на иранската Црвена полумесечина, објави дека на местото на несреќата не се пронајдени преживеани, а самиот хеликоптер целосно изгорел.
Владата на Исламската Република ќе одржи итен состанок поради смртта на претседателот и министерот за надворешни работи.

Share on Facebook

Tweet

Follow us

Save