Претседателски избори во Русија: Путин очекува убедлива победа

Во Руската Федерација денеска почнаа претседателските избори, а на Далечниот исток излегоа првите гласачи, по што низ целата земја постепено почнаа да се отвораат избирачките места. Гласањето ќе трае три дена, до недела.

Граѓаните избираат меѓу четворица кандидати – покрај актуелниот претседател Владимир Путин, на листата на кандидати се и лидерот на десничарската Либерално-демократска партија (ЛДПР) Леонид Слуцки, лидерот на комунистите Николај Харитонов, како и Владислав Даванков , кој ја претставува либерално-центристичката партија „Нови луѓе“.
Покрај гласањето на избирачките места, жителите од околу 28 региони можат да гласаат и онлајн, преку електронски систем за гласање. Според анкетите, се предвидува дека на изборите ќе има висока излезност од околу 71 отсто, додека според истражувањето на јавното мислење, Путин ужива поддршка од околу 80 отсто од граѓаните.

Министерот за одбрана на Руската Федерација Сергеј Шојгу и началникот на Генералштабот на вооружените сили на Русија Валериј Герасимов гласаа на претседателските избори заедно со војници на избирачко место во Јужниот воен округ.

Share on Facebook

Tweet

Follow us

Save