Приведен навивач од Словачка, на 10 други не им беше дозволен влез во државата поради агресивно однесување во авион за време на лет

Еден навивач од Словачка е приведен, а на 10 други не им е дозволен влез во државата поради агресивно и недолично однесување во авион за време на лет и по слетувањето, соопшти денеска МВР.

– На 10.12.2025 околу 20:30 часот во СВР Скопје, од службите на Меѓународен аеродром Скопје и од Регионалниот центар за гранични работи Север е пријавено дека во воздухоплов кој пристигнал од Словачка, повеќе лица под дејство на алкохол, кои се дел од навивачка група, за време на летот и по слетувањето не ги почитувале правилата, агресивно се однесувале и ги вознемирувале останатите патници и екипажот. Полициски службеници веднаш пристигнале на местото и по преземени мерки го приведоа Л.Т.(38) од Словачка, а на 10 други лица, исто така, од Словачка, не им беше дозволен влез во државата од безбедносни причини, наведуваат од МВР.

По целосно документирање на случајот, против Л.Т. ќе биде поднесена соодветна пријава.

Share on Facebook

Tweet

Follow us

Save