Програмскиот совет на МРТ утре ќе го разгледува скандалот со емитувањето на детската песна за „Голема Албанија“

Програмскиот совет на МРТ за утре закажа седница на која ќе се разгледува скандалот со емитувањето на детска песна на МРТ2 на албански јазик, со која се воспеваше „Голема Албанија“.

Во рамки на детска фестивалска програма емитувана на 28 март, беше прикажан настап на 13-годишно девојче кое ја изведе песната „Trojet shqiptare“. Содржината на песната и симболите (мапа на „Голема Албанија“) употребени за време на изведбата предизвикаа бурни реакции во јавноста.

Според стиховите од песната, отворено се пееше за територијални претензии и кон Македонија, и кон Грција, кон Србија, кон Црна Гора… „Летај, летај, Албанијо, летај, знамето наше се издигнува над земјата“, „ќе дојде ден кога сите ќе бидеме заедно, зашто сме еден народ, еден сон, една цел“… беа дел од стиховите со јасна порака за обединување на албанските територии.

Share on Facebook

Tweet

Follow us

Save