ПРОНАЈДЕН ЗАПАЛЕН АВТОМОБИЛОТ ОД КОЈ СЕ ПУКАШЕ ВО ИСТ ГЕЈТ!

Автомобилот “Ауди” од кој се пукаше денеска во Ист Гејт Мол е пронајден запален во близина на Грчец, дознава Инфомакс.

На 25.08.2023 околу 15.50 ч. во СВР Скопје е добиена пријава дека во гаражите на трговски центар во Скопје едно лице кое било со патничко возило „ауди“, пукало кон Р.Т. (39) од Скопје, но не го погодило. Во возилото, според пријавеното, имало уште едно лице. Повредени лица нема. Известен е јавен обвинител и се преземаат мерки за расчистување на случајот, соопштија од МВР.

Попладнево во гаражата на трговскиот центар “Ист Гејт “ е пукано во Раде Трајковски Штекли . Нападот се случил во најдолниот дел од гаражата на трговскиот, а според првичните информации Трајковски Штекли не е повреден.

Тој според информациите на Телма бил во блиндирано возило.

Во мометот во Ист гејт мол полицијата врши увид.

Од МВР потврдија дека вооружен инцидент се случил во трговскиот центар и се истражува без да посочи други детали.

Раде Трајковски-Штекли,  неофицијално се поврзуваше со убиството на младиот фудбалер Мартин Јанушев. Тој беше  екстрадиран по апсење во Србија.

Share on Facebook

Tweet

Follow us

Save