INFOMAX.MK

Возило на противпожарната единица остана без доволно вода за време на интервенција, објави Фејсбук страницата „Кочани“.

Целосната објава во продолжение:

Еве зошто зборуваме за тоа зошто се штетни дивоградбите и зошто секој треба да се грижи за чистотата околу својот двор. Ѓубрето, некосената трева и запуштените површини претставуваат директен ризик од пожари и други проблеми.

Погледнете го видеото: противпожарното возило останува без вода среде интервенција, додека куќата продолжува да гори. Зарем ова не е доволен доказ колку сме нефункционален систем?

Имаме десетици службени возила во општината, но немаме исправни противпожарни возила. Немаме ниту доволен број пожарникари. Ова е директна последица на системот кој со години го негуваме партискиот систем што им служи на поединци, а не на граѓаните.

Наместо инвестиции во јавна безбедност и заштита, средствата одат за партиски интереси и лично богатење.

Ако продолжиме вака, ќе продолжи и трендот на иселување на младите. Ќе останат само постарите, кои немаа храброст да му се спротивстават на овој заробен систем.

Треба да ја разјасниме една важна работа вината не е во пожарникарите. Тие, иако работат во многу тешки услови, секој ден покажуваат дека се наши хероји. Тие прават што можат со ограничените ресурси што им се на располагање. Проблемот е во системот што ги оставил без потребната опрема и поддршка.

*ЛИНК од видеото и објавата на „Кочани“