Професорот Климе, езерото и исконската струшка традиција за Богојавление

Тмурното време и студените води на Охридското езеро не ги спречија професорот Климе Попоски со свои роднини и пријатели денеска да ја продолжат вековната традиција што во Струга од секогаш се спроведува за големиот христијански празник Водици.

Попоски кој е водечки европски експерт за осигурување и денеска ја испочитува православната традиција во чест на Богојавление и влезе во водите на Охридското езеро.

И годинава во чест на Богојавление во студените води на езерото покрај професорот Попоски влегоа неговите деца, екс македонскиот фудбалски репрезентативец Игор Митревски и други блиски.

Професорот Попоски вели дека секој верник на Македонската Православната црква – Охридска архиепископија има обврска да ги одржува вековните традиции кои се пренесуваат од дедо на внук.

Предците на професорот но и огромен број луѓе во Струга, Охрид и цела Македонија уште од вториот век во нашата ера на ден Водици влегуваат во водите на Охридското езеро или други локации каде што се фрлал крстот.

Оваа традиција во Струга, Охрид и стотици други локации продолжува и годинава.

Share on Facebook

Tweet

Follow us

Save