Путин ги осуди провокациите на САД и нивните сателити во Тајванскиот теснец

Русија ги осудува провокациите на САД и нивните сателити во Тајванскиот теснец, изјави рускиот претседател Владимир Путин за време на средбата со кинескиот лидер Си Џинпинг во Самарканд на маргините на самитот на ШОС.

„Од наша страна, ние цврсто, во пракса, се придржуваме до принципот на една Кина, ги осудуваме провокациите на САД и нивните сателити во Тајванскиот теснец“, рече Путин.

НР Кина не го признава суверенитетот на Тајван, го смета за своја провинција и категорично се противи на нејзините контакти со официјални лица и војска од други земји. Ситуацијата околу Тајван ескалира по посетата на претседателката на Претставничкиот дом на американскиот Конгрес Ненси Пелоси. Како одговор на патувањето, Пекинг започна масивни воени вежби во близина на брегот на островот, воведе санкции за две тајвански фондации, самата Пелоси и нејзиното семејство и други мерки.

Share on Facebook

Tweet

Follow us

Save