Путин го потпиша указот: Ќе следува одговор за сите што ќе воведат ограничување на цената на руската нафта

Претседателот на Русија, Владимир Путин, го потпиша указот за посебни мерки за граничната цена на руската нафта и нафтените деривати, што го воведоа некои земји.

Како што е наведено во документот, овие мерки се воведени „во врска со непријателските и спротивни на меѓународното право дејствија на Соединетите Американски Држави и странските земји и меѓународните организации кои им се приклучиле“ и со цел да се заштитат националните интереси на Руската Федерација. .

Претседателот ги забрани испораките на нафта и нафтени деривати од Русија на оние кои предвидуваат горни граници на цените во нивните договори. Путин, исто така, го забрани снабдувањето со нафта за странските купувачи доколку договорите користат механизам за ограничување на цената.

Документот стапува на сила на 1 февруари и ќе биде на сила до 1 јули 2023 година.

Share on Facebook

Tweet

Follow us

Save