Путин: Европа си е виновна за енергетската криза со која се соочува

Рускиот претседател Владимир Путин изјави дека Европа е виновна за нејзината енергетска криза со политиките што ги намалија инвестициите во индустријата за нафта и гас и дека ограничувањата на цените ќе ја влошат ситуацијата, пренесува Ројтерс.

Изјавата на Путин доаѓа во време кога земјите од ЕУ се обидуваат да договорат начин за спречување на зголемените трошоци за енергија. Загриженоста за безбедноста на снабдувањето со енергија денеска беше зголемена поради истекувањето на гасоводот Дружба во Полска, што доведе до намалување на протокот на нафта од Русија во Германија.

Полските власти велат дека истекувањето најверојатно било предизвикано од несреќа, но тоа доаѓа додека земјите од Европската унија се обидуваат да се одвикнат од зависноста од руската енергија како одговор на инвазијата на Украина.

Share on Facebook

Tweet

Follow us

Save