Путин: Рускиот авион Ил-79 е соборен со системот „Патриот“

Експертизата покажа дека авионот Ил-76 е соборен од американскиот систем „Патриот“, соопшти рускиот претседател Владимир Путин.

Како што рече, токму затоа Русија инсистира и бара меѓународна истрага за падот на Ил-76, но „нема официјални организации“ кои сакаат да го направат тоа.
Путин истакна дека не знае и не разбира зошто Украина го соборила авионот во кој се превезувале 65 нивни војници кои требало да бидат разменети. Како што рече, може да се претпостави дека Киев тоа го направил случајно, но секако е кривично дело – од небрежност.
„Украина веројатно сака да не испровоцира на одмазднички акции“, рече рускиот лидер.

Путин додаде дека Москва нема да ја запре размената на затвореници со Украина.
„Нема да ја запреме размената. Мора да ги вратиме нашите војници. Односот на украинските затвореници во Русија со нашите во Украина е десет спрема еден, дури и повеќе. Ќе ги вратиме нашите војници, доколку украинската страна е подготвена. Цело време ни испраќаат сигнали дека се подготвени“, рече рускиот лидер на средбата со членовите на Изборниот штаб.

Тој привлече внимание и на фактот дека медиумите на Запад се обидуваат да ја прикријат приказната за падот на авионот Ил-76.
„Погледнете што пишуваат таму во западните медиуми? Ништо. Кога ќе трепнете, сите веднаш забораваат, сè исчезнува, полето за информации веднаш се брише. Сепак, нема да ги заборавиме злосторствата што ги прават врз нашите граѓани“, рече рускиот лидер.

Share on Facebook

Tweet

Follow us

Save