Путин со честитка за Денот на Африка

Рускиот претседател Владимир Путин им честиташе на африканските шефови на држави и влади по повод Денот на Африка.

„Заедничките напори ќе обезбедат раст на руско-африканските врски во интерес на мултиполарен светски поредок“, се наведува во честитката на рускиот лидер, објавена на веб-страницата на Кремљ. Претседателот истакна дека во текот на изминатите децении, независните африкански држави се етаблирале како авторитетни членови на светската заедница и постигнале признат успех во економската и социјалната сфера. Рускиот лидер нагласи дека 2025 година е обележана со годишнини – 80-годишнината од крајот на Втората светска војна и формирањето на Обединетите нации, како и 65-годишнината од усвојувањето на Декларацијата на ОН за доделување независност на колонијалните земји и народи.

„Поразот на нацизмот и падот на колонијалниот систем станаа најважните настани на 20 век, обезбедувајќи можност за слободен, мирен развој на целото човештво“, нагласи рускиот претседател. Путин истакна дека Русија постојано се залага за проширување на традиционално пријателските односи со африканските партнери и дека следната конференција на Форумот за партнерство Русија-Африка е планирана да се одржи пред крајот на годината во една од африканските земји

Share on Facebook

Tweet

Follow us

Save