Путин: Чудесни се достигнувањата на Русија во нуклеарната сфера

Новиот проект од областа на физиката со висока енергетска густина, на кој се работи во нуклеарниот центар во Саров, е многу важен за одбранбената способност на Русија, проектот остава извонреден впечаток, изјави рускиот претседател Владимир Путин.

Тој додаде дека нуклеарната наука е една од најважните насоки во сегашните услови.
„Разбирам колку е тоа важно и за економијата и за подигање на одбранбената способност, запознаен сум со некои од достигнувањата во таа сфера. Новиот проект остава извонреден впечаток. Тоа е едноставно чудесно“, изјави рускиот претседател во разговор со млади научници.

Истовремено, тој посочи колку е важно да се зачува душата на Русија, мултинационална и мултиконфесионална нација и да се поддржат традиционалните вредности.
„Усогласувањето на сите овие елементи има моќен синергетски ефект и ќе и помогне на земјата да оди напред“, заклучи тој.
Да потсетиме, претседателот на Русија го посети рускиот нуклеарен центар во Саров.

Share on Facebook

Tweet

Follow us

Save