Пуштени три ленти на „Богородица“: Се чека половина час за излез од државата

По половина час се чека на граничните премини „Табановце“ за влез во земјава и на „Богородица“ за излез кон соседна Грција, информира утринава Авто мото сојузот на Македонија. Во моментов од она што може да се забележи на камерите на ГП „Богородица“, има колони возила на три ленти и очигледно дека се чека некое време за излез од државата.

Поради летните одмори, гужви на овие гранични премини имаше и вчера.

На останатите гранични премини нема поголеми задржувања. Интензитетот на сообраќај на патните правци надвор од градските средини е умерен.

Од 1 јули до 31 август на државните патишта во земјава воведен е летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.

Share on Facebook

Tweet

Follow us

Save