РАДЕВ СО УЛТИМАТУМ ДО КОСОВО: Побарал од Вјоса Османи да бидат признаени 15.000 Бугари како дел од европската перспектива на Приштина
![t](https://infomax.mk/wp-content/uploads/2023/12/radev-osmani-1-750x430-1.jpg)
Бугарија во јануари оваа година поднела петиција до Парламентот на Косово со барање да бидат признаени како заедница 15.000 граѓани кои, според Софија, имаат бугарска самосвест. За ова барање неодамна разговарале бугарскиот претседател Румен Радев со неговата колешка Вјоса Османи при посетата на Радев во Приштина изминатите денови, как дел од разговорите за европската перспектива на Приштина, стабилноста на Југоисточна Европа и можностите да се продлабочат односите меѓу двете земји, јавија бугарските медиуми.
Вјоса Османи ги обврзала властите во земјата да ги почитуваат сите стандарди на претстојниот попис на населението во Косово, да го направат процесот транспарентен и да ги гарантираат правата на сите малцинства. Во врска со малцинствата таа изјави:
– Бидејќи српското малцинство во моментов го бојкотира парламентот во Приштина и не учествува во гласањето на законските измени, тоа го отежнува и донесувањето на нормативни акти поврзани со статусот на малцинствата – рече Вјоса Османи.
Радев истакна дека Бугарија е меѓу главните двигатели за забрзана европска интеграција на Западен Балкан и се пофалил дека била негова идејата да поставува услови на патот на Македонија кон Европската Унија.
Вјоса Османи го истакна значајниот придонес на Бугарија во секоја фаза од создавањето на Косово – од признавањето на независноста на најмладата земја во Европа до учеството на бугарската војска во мировната мисија на НАТО (КФОР):
– Косово продолжува да се потпира на поддршката на Бугарија во следните чекори до целосното пристапување на нашата земја во Европската унија. Се надеваме дека тоа ќе биде и геостратешки приоритет за Брисел – рече Османи.
Исто така, според Османи „неволноста за прием на Косово во НАТО и ЕУ отвора можност за дестабилизација на регионот“.
ПОВРЗАНИ ВЕСТИ
Општина Тетово двојно ги зголеми даноците на…
Зголемувањето на даноците на имот од страна…
Директна закана од Израел: „Брзо да го…
Израелскиот министер за надворешни работи Израел Кац…
Србија ќе изгради музеј во чест на…
Претседателот на Србија, Александар Вучиќ, денеска изјави…
Украина ја засилува својата ракетна програма, Зеленски…
Украина издвојува дополнителни средства за својата ракетна…
Израел објави, 19 повредени во нападот на…
Најмалку 19 лица, вклучително и шест војници,…