Расадник на пат да биде нов симбол за Кисела Вода – Во проектот се вклучува и Архитектонскиот факултет од Скопје

Градоначалникот на Кисела Вода, Орце Ѓорѓиевски, на фејсбук објави дека во планот за Расадник ќе се вклучи и архитектонскиот факултет во Скопје, со што локацијата се движи во насока да стане нов симбол на Кисела Вода.
Неговата објава ја пренесуваме интегрално:

„🤝 Потпишавме меморандум за соработка со Архитектонскиот факултет од Скопје ✍️
🏞️ Една од првите задачи кои оваа соработка ги овозможува ќе биде вклучување на факултетот во проектoт за идејно решение за Расадник, како хуман кварт за живеење.
☝️Покрај тоа, Меморандумот опфаќа соработка на повеќе полиња од облата на урбанизмот и архитектурата, како научни и стручни истражувањa и анализа на архитектонски и урбанистички проблеми, како и давање стручни мислења при изработка на стратегии, студии, анализи, проекти, елаборати и извештаи и друга помош поддршка и услуги при изготвување, раководење и реализација на заеднички проектипосебно на полето на урбаниот развој, одржливиот развој, енергетската ефикасност на објектите, заштитата на животната средина и културното наследство.
👨‍🏫 Како една од првите активности ќе биде и обука на советниците од Советот на општина Кисела Вода од страна на професори од Архитектонскиот факултет.
🏢 Општина Кисела Вода од наредната недела започнува со заедничка работа со Архитектонскиот факултет, со Комората на властени архитекти и инженери, со Асоцијацијата на архитекти на Македонија и со неодамна оформеното Партиципативно тело од граѓани, со цел финално обликување на меѓународниот конкурс за идејно решение за ДУП за Расадник, по што истиот ќе биде објавен за домашната и за меѓународната јавност.“ Напиша градоначалникот Орце Ѓорѓиевски на Фејсбук.

Share on Facebook

Tweet

Follow us

Save