Родителите на загинатите: Ако надлежните навреме постапеле и го затвореле објектот, „Пулс“ немало да работи на 16 март 2025 година!

Адвокатот Петре Шилегов повторно бара Јавното обвинителство да го преиспита кривично-правниот настан, повикувајќи се нa други предмети

Но, не може да се ставаат во ист кош 13 годишното незаконско работење на пулс со друго обвинение тоа се различни случаи, и различни основи на одговорност!

Ние, родителите, многу добро знаеме зошто обвинетите денес седат на обвинителната клупа.

Кој требаше да ја гарантира безбедноста на граѓаните и законското работење, ако не надлежните институции? Тогаш зошто постојат Дирекцијата за заштита и спасување, Министерството за економија, Државниот пазарен инспекторат и останатите контролни органи?

Кој бил должен да ги контролира безбедносните планови, елаборатите, минимално-техничките услови и лиценците?

Токму незаконското постапување и непостапувањето што им се ставаат на товар на обвинетите, според обвинението, придонеле за загрозување на човечки животи и трагичните последици.

На денешното рочиште го слушаме и вештакот на „Венци Проект“, при што се отвора прашањето за проектна документација која, според изнесеното во судницата, била изработена пред реконструкцијата на „Пулс“.

Кој ја проверил и одобрил таа документација? Дали биле испочитувани законските постапки и како било дозволено нејзиното користење?

Документацијата не смее да биде параван за прикривање незаконитости, ниту оправдување за институционалните пропусти.

Ако надлежните навреме постапеле и го затвореле објектот, „Пулс“ немало да работи на 16 март 2025 година!

А цената за тие пропусти ја плативме ние, родителите, со најсветото што го имавме – нашите деца.

Share on Facebook

Tweet

Follow us

Save