Русите преку ноќ уништија еден од најголемите пазари во Европа

Руската војска доцна синоќа изврши напад со беспилотни летала на голем пазар во киевскиот кварт во Харков.

„Нападот беше насочен кон еден од најголемите пазари во Харков, лоциран во Киевската Област, во близина на транспортната инфраструктура. Продавниците се во пламен. Засега нема информации за жртви“, објави градоначалникот на Харков, Ихор Терехов на Telegram.

Олех Синјехубов, шеф на воената управа на Харковската Област, рече дека остатоци од дрон Shahed паднале врз продавниците на пазарот.

Пазарот Барабашово беше најголемиот пазар во Источна Украина и 14-ти најголем пазар во светот. На 75 хектари посетителите можеа да најдат сè, од облека, електроника и покуќнина до свеж зеленчук, храна и земјоделски производи.

Пазарот привлекува купувачи од Украина и од соседните земји поради големиот избор и пристапните цени.

Русите од почетокот на војната неколку пати го нападнаа пазарот. Во првите неколку месеци од инвазијата, беше гранатиран најмалку три пати. Големи делови од пазарот беа уништени, но трговците секој пат се враќаа.

Share on Facebook

Tweet

Follow us

Save