Русија ги произведе првите нуклеарни боеви глави за торпедото „Посејдон“

Русија ги произведе првите нуклеарни боеви глави за суперторпедото „Посејдон“ што ќе бидат распоредени на нуклеарната подморница Белгород, објави во понеделникот ТАС, повикувајќи се на анонимен извор.

„Првите количини оружје за Посејдон се произведени и подморницата Белгород ќе ги добие во блиска иднина“, открил изворот за ТАСС.

Рускиот претседател Владимир Путин го најави таканаречениот „Посејдон“ уште во 2018 година. Тој го опиша како нов тип на стратешко нуклеарно оружје со сопствен извор на нуклеарна енергија.

Во говорот пред пет години, Путин рече дека опсегот на торпедото ќе биде неограничен и дека може да работи на екстремни длабочини со брзини многу поголеми од која било подморница или друго торпедо.

„Тие се многу тивки, имаат висока способност за маневрирање и практично се неуништливи за непријателот. Не постои оружје во денешниот свет што може да им се спротивстави“, рече Путин.

Share on Facebook

Tweet

Follow us

Save