Русија го отфрли планот на Трамп за крај на војната во Украина

„Русија сериозно ги сфаќа американските предлози за Украина, но не може да ги прифати во формата во која моментално се нудат“, изјави рускиот заменик министер за надворешни работи Сергеј Рјабков во интервју за неделникот „Руски прашања“.

„Ние ги сфаќаме предложените модели и решенија многу сериозно, но исто така не можеме да прифатиме сè како што е. Сè што постои во моментов е обид да се најде некаква шема што ќе овозможи, од американска гледна точка, прво да се постигне прекин на огнот“, објасни Рјабков.

Според него, по ова би следело преминување кон други модели и шеми, во кои, како што оценува, во моментов нема простор за главното барање на Русија, решавање на проблемите поврзани со причините за конфликтот.

„Токму тоа целосно недостасува и мора да се надмине“, нагласи Рјабков.

Како што додаде, „Москва има длабоко и темелно развиен збир на сопствени приоритети и пристапи кон ова прашање, кои, меѓу другото, беа во фокусот на рускиот преговарачки тим на неодамнешните разговори во Ријад“, пренесува руската државна новинска агенција РИА.

Share on Facebook

Tweet

Follow us

Save