Русија и Сирија постигнаа договор за руските бази: Ќе бидат „заеднички центри за обука и развој“

Сирија и Русија постигнаа договор за иднината на руските бази во Тартус и Хмејмим по 18 месеци интензивни преговори, објави во сириското Министерство за надворешни работи, пренесува Н1.

Министерството соопшти дека сириската држава ќе го преземе управувањето со цивилните објекти, вклучувајќи го аеродромот Хмејмим и комерцијалното пристаниште во Тартус, што ќе овозможи нивна постепена интеграција во цивилната администрација на земјата.

Воените објекти ќе бидат претворени во заеднички центри за обука и развој,  а транзицијата треба да биде завршена во рок од три месеци.

Руската поморска база во Тартус и воздухопловната база Хмејмим долго време се главни воени упоришта на Москва во Медитеранот и Блискиот Исток. За нив се преговара со новото сириско раководство откако поранешниот претседател Башар ал-Асад беше соборен во декември 2024 година.

Share on Facebook

Tweet

Follow us

Save