Русија тврди: Украинците со ХИМАРСИ ја погодија хидроцентралата Каховскаја! Во опасност илјадници жители на областа

Украинските војници истрелаа 19 проектили од комплексите ХИМАРС и Алдер кон Новаја Каховка, три од нив ја погодија хидроцентралата Каховскаја, изјави за РИА Новости претставник на службите за вонредни состојби на регионот Херсон.

Претходно, шефот на управата на урбаниот округ Новокаховски, Владимир Леонтиев, изјави дека вооружените сили на Украина речиси секојдневно ја гранатираат населбата и територијата на станицата. Според него, дневно се лансираат до 120 проектили, работат руските системи за противвоздушна одбрана.

Русија, исто така, упати повик до ОН да го спречат уништувањето на хидроелектричната брана, што ќе доведе до смрт на илјадници луѓе. За возврат, командантот на групата војници во областа на воената операција, Сергеј Суровикин, рече дека руската војска има информации за тоа дека Киев подготвува масовен ракетен напад врз браната на хидроцентралата Каховска.

Share on Facebook

Tweet

Follow us

Save