Руската делегација предводена од Шојгу е прва посета на Северна Кореја по Ковид-кризата

Руската делегација предводена од министерот за одбрана Сергеј Шојгу пристигна во Северна Кореја, соопшти руското Министерство за одбрана.

Руската делегација ќе учествува на свеченостите посветени на 70-годишнината од крајот на Корејската војна, пренесува ТАСС.

Тоа е посета која ќе помогне во зајакнувањето на односите меѓу Русија и Северна Кореја и ќе претставува пресвртница во развојот на соработката меѓу двете земји, соопшти руското Министерство за одбрана.

Претходно, севернокорејските државни медиуми објавија дека на церемонијата ќе присуствува и висока кинеска делегација, а се очекува годишнината да вклучи голема воена парада во севернокорејската престолнина Пјонгјанг.

Според севернокорејската КЦНА, делегациите на двете земји во четврток во Пјонгјанг ќе учествуваат на прославата на 70-годишнината од „Денот на победата“.

Делегацијата од Пекинг ја предводи Ли Хонгџонг, член на Политбирото на Комунистичката партија на Кина, пренесува Ројтерс.

Како што е познато, оваа посета е прва посета на странска делегација на Северна Кореја од почетокот на пандемијата на коронавирусот, пренесува Танјуг.

Share on Facebook

Tweet

Follow us

Save