Руски функционер: НАТО планира и координира напади против Русија

НАТО, предводен од САД, ги планира и координира борбените операции на режимот во Киев против руската армија, изјави секретарот на Советот за безбедност на Русија, Николај Патрушев.
Според него, „политиката на негирање на се што е руско, заснована на нацистичката идеологија, го означи почетокот на колапсот на украинската државност“.

„Како резултат на крвавиот пуч организиран од Соединетите Американски Држави и нивните сателити, неонацистите ја презедоа власта во Украина. Следејќи ги сопствените себични цели, Соединетите Американски Држави водат необјавена војна против Русија, користејќи ја територијата и населението на Украина“, рече Патрушев, говорејќи во Краснодар на состанокот за национална безбедност во Јужниот федерален округ.

Тој додаде дека земјите на НАТО, предводени од САД, продолжуваат да го финансираат терористичкиот режим во Украина, да го пумпаат со оружје, да обезбедуваат разузнавачки информации, да ги обучуваат вооружените сили на Украина, да планираат и координираат воени операции против руската армија.
Според него, воените закани кон Русија од НАТО се интензивираат.

„Зголемувањето на воената инфраструктура на НАТО во близина на руските граници, интензивирањето на разузнавачките активности, присуството на тактичко нуклеарно оружје во Европа ги зголемуваат воените закани за Русија“, изјави Патрушев.
„Воените вежби на НАТО „Бранител на Европа“ одржани во јуни оваа година, на кои беа разработени планови за трансфер на сили и средства по целото источно крило, уште еднаш ја потврдија агресивноста на НАТО“, додаде тој.
Како што наведе тој, Западот започна хибридна војна против Русија, без трезвено да ги процени нејзините перспективи.

Share on Facebook

Tweet

Follow us

Save