САД воведе нови санкции за Иран

САД синоќа воведоа нови санкции поврзани со Иран, насочени кон клучниот финансиер на новиот врховен лидер на Иран, ајатолахот Моџтаба Хамнеи и 13 други лица. Санкциите уследија откако Иран продолжи со нападите врз танкери во Ормуска Теснина.

Санкциите се насочени кон иранскиот банкар и бизнисмен Али Ансари, чии компании се со седиште во Дубаи. Тој претходно беше санкциониран од Велика Британија поради неговата улога во финансирање на активностите на Иранскиот револуционерен гарда и други субјекти, соопшти Министерството за финансии на САД.

Канцеларијата за контрола на странски средства (ОФАК) на американското Министерство за финансии, исто така, таргетираше три менувачници со седиште во Иран и странски „параван компании“ кои префрлале трилиони долари годишно во име на санкционираните ирански банки, фиктивни компании за да ги прикријат нелегалните активности на владата.

– САД преземаат решителни мерки за да ги прекинат финансиските врски што ја одржуваат владејачката елита на Иран. Со таргетирање на овие мрежи, САД директно ја нарушуваат способноста на режимот да пристапува до странска валута и да спроведува меѓународни финансиски активности, изјави портпаролот на Стејт департментот, Томи Пигот.

Американскиот министер за финансии, Скот Бесент истакна дека Министерството „ќе продолжи да ги користи сите алатки што му се на располагање“ за да ги изолира Хамнеи и други високи ирански функционери од глобалниот финансиски систем.

Шефот на иранската дипломатија Абас Арагчи денеска изјави дека Бесент го прекршил Член 9 од Меморандумот за разбирање помеѓу САД и Иран, опишувајќи го како прекршување што следи по „други прекршувања и погрешни чекори од страна на САД“. Според Меморандумот, Вашингтон се согласил дека „нема да воведе никакви нови санкции и нема да распореди дополнителни сили во регионот“.

– Проверка на реалноста – може да има само со меѓусебно почитување, објави Арагчи на платформата Икс, додавајќи дека Иран „досега го одржал својот збор“.

Share on Facebook

Tweet

Follow us

Save