САД нема да ја спасува Silicon Valley Bank

Американскиот министер за финансии Џенет Јелен рече дека владата сака да избегне финансиска „зараза“ од колапсот на банката во Silicon Valley Bank (SVB), но ја отфрли можноста за финансиска поддршка. „Сакаме да се погрижиме проблемите што постојат во една банка да не ги „контаминираат“ другите здрави“, рече Јелен.

Јелен истакна дека владата работи со американската корпорација за осигурување на депозити (FDIC) за да ја „реши“ ситуацијата во банката, каде приближно 96 отсто од депозитите не се покриени со гаранцијата за враќање на средствата. „Сигурна сум дека тие разгледуваат широк спектар на опции кои вклучуваат аквизиции“, додаде таа.

Јелен објасни дека реформите направени по финансиската криза во 2008 година значеле дека владата не размислува за спасување на Силикон банка. „За време на финансиската криза имаше инвеститори и сопственици на системски големи банки кои беа спасени… а реформите што беа спроведени значат дека нема да го правиме тоа повторно“, нагласи таа.

Share on Facebook

Tweet

Follow us

Save