САД планираат да воведат нови санкции за Русија и Кина
САД планираат да воведат нови санкции кон Кина и Русија, што ќе вклучуваат казнување на Москва за употребата на ирански беспилотни летала во војната против Украина, изјавија двајца американски претставници.
Според нив, санкции ќе има и за Кина поради, како што тврди Вашингтон, нелегалниот риболов на Пацификот, додека расте загриженоста за евентуалниот кинески прекумерен риболов и ширењето на кинеското влијание на море.
Повеќето од санкциите, објавени од весникот „Вол стрит Џурнал”, ќе бидат наметнати според таканаречениот глобален „закон Магнитски” од 2016 година, што на американската Влада и дозволува воведување санкции за странски владини претставници за кои се смета дека ги кршат човековите права, замрзнувајќи ги нивните средства и им забранува влез во САД.
САД го осудија извозот на ирански воени беспилотни летала во Русија, која ги користи во својата војна против Украина, а санкциите се очекува да погодат некои лица вклучени во руската воена индустрија и поврзани со снабдувањето со ирански беспилотни летала за Русија, изјавија официјални лица.
ПОВРЗАНИ ВЕСТИ
Бајден: Пристапот на Нетанјаху во Газа е…
Пристапот на израелскиот премиер Бенјамин Нетанјаху кон…
Борел: Американскиот „одбранбен штит“ над Европа наскоро…
Американскиот „одбранбен штит“ над Европа наскоро би…
Франција повеќе не е заинтересирана да разговара…
Франција повеќе не е заинтересирана за „разговор…
Лавров во Кина: Ја продолжуваме борбата против…
Русија и Кина ќе ја продолжат соработката…
Зеленски: Украина ќе ја изгуби војната против…
Украинскиот претседател Володимир Зеленски изјави дека Украина…