САД се подготвени да му помогнат на Косово за нацрт-статутот за Заедницата на српските општини

Американскиот амбасадор во Приштина Џефри Ховениер денеска изјави дека САД се подготвени да ја советуваат Приштина при изготвувањето на статутот на Заедницата на српските општини.
Сепак, тој истакна дека, во крајна линија, прашањето е во рацете на Европската унија, како посредник во дијалогот меѓу Белград и Приштина, објави „Репортерс“.

Во разговор со новинарите во американската амбасада, Ховениер рече дека САД ќе го поздрават секој предлог од Приштина на оваа тема, кој ќе биде веродостоен и разумен.
Ова е прва реакција на амбасадорот Ховениер по ова прашање, по изјавата на косовската претседателка, Вјоса Османи, пред неколку дена дека Приштина треба заедно со САД да подготви нацрт на статутот на ЗСО, рече весникот.

Белград и Приштина постигнаа договор за ЗСО во 2013 година, а потоа во 2015 година за принципите за нејзино формирање.

Share on Facebook

Tweet

Follow us

Save