Само Сиљановска ќе оди на погребот на папата

Шефицата на државата Гордана Сиљановска Давкова е единствената функционерка од Македонија која ќе присуствува на погребната миса на папата Франциско, утре пред базиликата „Свети Петар“ во Ватикан.

Покрај неа, ќе има и делегација од нејзиниот кабинет.

Инаку, минатата година на 23 мај Сиљановска имаше аудиенција кај папата Фрањо, при посетата во рамки на манифестацијата „Македонија во чест на Свети Кирил“ што се одржува во Рим по повод 24 Мај, Денот на сесловенските просветители.

Во таа прилика таа му подари голема резбa со мотив од птицата феникс којшто претставува симбол на вечноста.

Share on Facebook

Tweet

Follow us

Save